Transmetuar më 24-04-2017, 16:49
Publicitet

Ky është horoskopi për ditën e martë, 25 prill 2017  që Noa.al sjell për ju. Njihuni me parashikimin për punën, shëndetin dhe ndjenjat, si do ecë dita për të lindurit e çdo shenje.

Dashi 

Marsi në kundërshti të plotë me Diellin do e bëjë këtë ditë shumë stresuese. Këshillohet që të tregoni sa më shumë mirëkuptim dhe tolerancë, si dhe mos u ndikoni nga të tjerët. Do të zgjidhni të gjitha problemet financiare e rrjedhimisht do jeni të ngarkuar me stres. Bëni kujdes nga mashtrimet.

Demi 

Yjet do të qëndrojnë gjithnjë e më larg shenjës tuaj, por frytet e dëshiruara do i japë në fushën e ndjenjave. Mundohuni që të përfitoni, pasi do lëviz gjërat që keni dëshiruar, ndaj këshillohet të tregoheni më të guximshëm. Në mbrëmje do të kaloni momente të qeta. Shëndeti do të jetë i mirë.

Binjakët 

Gjatë pasdites së të martës, Hëna do të hyjë në shenjën tuaj. Ndikimi i saj nuk do të jetë aspak pozitiv, ndaj më mirë për veprime me rëndësi, të prisni për të mërkurën. Horoskopi parashikon një përfshirje të madhe emocionale, për dikë që e keni shumë pranë. Për momentin, nuk këshillohen hapat e guximshëm. Kujdes me shëndetin.

Gaforrja 

Për shkak të Diellit në pozicion të kundërt me Marsin, mund të keni vështirësi në raportet sociale. Këshillohet që t’i qartësoni sa më mirë gjërat. Në dashuri, situata do të jetë e qetë. Në aspektin profesional, disa ide unike do bëjnë që të merrni në dorë një projekt të ri, me shumë përfitime.

Luani 

Kjo ditë do jetë e veçantë dhe e mbushur me ngjarje të shumta, ndaj këshillohet të dëgjoni këshillat e mira dhe ndihmën që do ju ofrohet. Shmanguni premtive të kota të cilat nukndo arrini t’i mbani. Do arrini të prekni pikat e duhura dhe ditën e sotme dhe do e mbyllni me buzëqeshje. 

Virgjëresha 

Kjo e martë do të jetë një ditë pozitive dhe shumë më e mbushur nga sa e prisnit. Do të jeni të mbushur me energji, ndaj kanalizojini në drejtimin e duhur, pa i çuar dëm. Shijojeni ditën me njerëzit tuaj të afërt. Kujdes bëni me ushqimet të cilat mund t’ju sjellin shqetësime me shëndetin.

Peshorja 

Do të keni jo pak gjëra për të vënë në rregull. Do të arrini të listoni prioritetet e ditës dhe në fund të saj do të jeni të kënaqur. Hëna do të ketë rol mbështetës ndaj jush. Merrni pak kohë edhe për veten. Dilni me shoqërinë ose me partnerin/en, pasi kjo do të jetë e dobishme. Financat do i keni nën kontroll.

Akrepi 

Dita do të jetë e shkëlqyer, e nisur mbarë dhe e përfunduar me kënaqësi. Një situatë e papritur, mund të ndryshojë planet tuaja. Tërheqja juaj ndaj dikujt, mund të bëhet e parezistueshme. Çiftet duhet të lënë mënjanë impenjimet dhe të shijojnë një drekë me njeriun e zemrës. Do iu duhet të bisedoni bashkë për të ardhmen. 

Shigjetari 

Marsi do të ketë një pozicion të brishtë ndaj Hënës dhe do dhurojë një ditë pa tepri emocionale. Mundohuni të sqaroni gjërat e paqarta. Pasditen këshillohet ta përjetoni në relaks dhe do të qetësoheni. Njerëzit e familjes i keni lënë pas dore, tregojuni atyre se sa shumë i doni. Shijoni kënaqësi pa fund edhe me shoqërinë.

Bricjapi 

Marsi do të arrijë të lëkundë trekëndëshin me diellin dhe Venusin. Mund të përballeni me ndjesi inferioriteti ndaj të tjerëve, gjë që mund t’i vështirësojë gjërat. Horoskopi këshillon që ti mbani larg njerëzit fals. Nëse jeni në kërkim të një lidhjeje bëni ftesa, e po ashtu as mos refuzoni. “Fikeni” mendjen për problemet dhe argëtohuni.

Ujori 

Hëna në trekëndësh me Diellin dhe Venusin, do arrijë t’iu dhurojë kurajo dhe stimul gjatë gjithë ditës. Do të përballeni me eksperienca të reja, ndaj mos refuzoni asnjë sfidë. Çdo detyrë do të jetë më e lehtë për tu përballuar në një atmosferë të qetë. Ju jeni të sigurt në hapat që po ndërmerrni. 

Peshqit 

Kjo do të jetë shenja më e favorizuar e ditës, dhe e marta do të garantojë lumturi dhe fat në shenjën tuaj. Efektet pozitive do të dhurojnë një ditë ëndrrash. Mjafton të mos i vendosni vetes kufizime, por ndiqni zemrën dhe intuitën. Dilni me shoqërinë dhe argëtohuni. Kujdes tregoni vetëm me shëndetin. /b.l/noa.al/