Kombëtarja shqiptare ka nisur tashmë përgatitjet për ndeshjet e saj të radhës; atë me Italinë për eliminatoret e Botërorit 2018 në 24 mars dhe miqësoren me Bosnjën në 28 mars.

Në seancën e pasdites të së hënës, trajneri De Biasi dhe asistenti i tij Veronese nuk i kishin të gjithë futbollistët në dispozicion pasi mungonin Roshi, Balaj dhe Hyka për shkak të vonesës në fluturimet e tyre.

Ndërsa Bakaj dhe Roshi arritën të bashkohen me skuadrën në orët e mbrëmjes të së hënës, Jahmir Hyka ka mbetur i bllokuar në aeroportin e Romës për shkak të një greve të stafit të kompanisë ajrore me të cilën udhëtonte. 

Gjithsesi pritet që Hyka të jetë së bashku me pjesën tjetër të skuadrës sot. Në paraditen e kësaj të marte është zhvilluar edhe seanca e radhës stërvitore, ndërkohë që një tjetër do të zhvillohet në orën 17:30.