Transmetuar më 23-02-2017, 11:45
Publicitet

Një studim i kryer nga Kolegji Mbretëror i Londrës thotë se të ngrënit e frutave dhe perimeve në masë,  mund të parandalojë 7.8 milionë vdekje të parakohshme çdo vit. Studimi po ashtu identifikon fruta dhe perime të veçanta që reduktojnë rrezikun e kancerit dhe të sëmundjeve të zemrës.

Këtu bëjnë pjesë: spinaqi, speci, lulelakra, pastaj molla, dardha, portokalli, limoni e të tjera. Konstatimet janë nxjerrë duke bërë bashkë të dhënat e 95 studimeve të veçanta, që përfshijnë zakonet e të ushqyerit të 2 milionë njerëzve.

"Frutat dhe perimet ulin nivelin e kolesterolit, shtypjen e gjakut dhe forcojnë shëndetin e enëve tona të gjakut dhe sistemin imunitar", tha dr Dagfinn Aune, një nga hulumtuesit. /noa.al