Lëkura e frutave është një thesar i vërtetë kur vjen puna për vlerat ushqyese dhe vitaminat që mund të përfitohen prej saj. Një frut tepër i rëndësishëm për shëndetin është dhe portokalli dhe sidomos lëkura e tij. I pasur me vitaminë C, portokalli sjell përfitime të mrekullueshme në shëndetin tuaj.

Nxit humbjen në peshë

Lëkura e portokallit ka shije të hidhur, dhe kjo është arsyeja kryesore pse shumica e njerëzve nuk e konsumojnë. Është burim fibrash dhe përmban pak kalori. Studimet tregojnë se lëkura e portokallit mund të ndihmojë në kontrollin më të mirë të oreksit, si dhe ndihmon në parandalimin e grumbullimit të indit yndyror.

Përmirëson punën e sistemit tretës

Lëkura e portokallit është burim për pektinë dhe taninë. Këta përbërës marrin pjesë në parandalimin e kapsllëkut dhe lehtësojnë kalimin e ushqimit  përmes sistemit të tretjes.

Parandalon lloje të ndryshme të kancerit

Lëkura e portokallit mund ta ulë rrezikun për lloje të ndryshme të kancerit, përfshirë kancerin e gjirit, të lëkurës dhe atë të zorrës së trashë. Sipas living, lëvorja e portokallit nxit eliminimin e toksinave nga sistemi tretës dhe pastron organizmin.

Scrub për trupin

Lëkura e portokallit mund ët përdoret edhe si scrub për trupin. Vendosni pak vaj ulliri dhe sheqer kaf në pjesën e brendshme të lëkurës dhe përdoreni për të fërkuar trupin gjatë dushit. Ky trajtim do ta bëjë lëkurën tuaj më të butë dhe më uniforme./b.l/noa.al/