Ligjvënësit në Turqi kanë miratuar tri dispozita të rëndësishme, në kuadër të ndryshimeve kushtetuese, të cilat janë propozuar nga presidenti Recep Tayyip Erdodan dhe Partia e tij për Drejtësi dhe Zhvillim.

Tre nenet e miratuara të enjten vonë, i lejojnë presidentit të jetë anëtar i një partie politike dhe rrisin kompetencat ekzekutive të tij.

Po ashtu, u miratua një dispozitë e tretë që i jep parlamentit rol mbikëqyrës.

Partitë e opozitës dhe ato pro-kurde kanë thënë se ndryshimet do të çojnë në autoritarizëm presidencial.

Me ndryshimet e propozuara, presidenti do të mund të lëshojë urdhra ekzekutivë dhe të shërbejë dy mandate pesëvjeçare.

Në total, ndryshimet përfshijnë 18 dispozita të reja dhe katër dispozita të tjera janë miratuar më 10 dhe 11 janar.