Frikë për Madonën, këngëtarja u rrëzua gjatë koncertit të saj në Seattle. Siç tregohet nga videot e ndryshme, të cilat menjëherë u bënë “virale” në mediat sociale, ylli i pop-it ra nga një karrige ndërsa tërhiqej zvarrë nga një balerin, nën melodinë e hitit të vitit 1986 ‘Open Your Heart’.

Pasi u rrëzua në skenë, “Material Girl” u ngrit menjëherë dhe vazhdoi të kërcente, madje duke qeshur me incidentin. 65-vjeçarja nuk është e panjohur për rëniet e tilla. Gjatë ndarjes së çmimeve “Brit 2015”, ajo u rrëzua në shkallë, ndërsa këndonte "Living for Love", për shkak të disa koreografive të gabuara.