![](/assets/images/noa-white-logo.png)
![](https://noa.al/newsImages/2024/01/opoz.jpg)
SHKUP- Opozita shqiptare ka bojkotuar seancën parlamentare ku do të votohet qeveria teknike dhe s’do ta votojë Talat Xhaferin si kryeministër teknik dhe kreun e parë shqiptar të qeverisë së Maqedonisë së Veriut.
Siç kanë bërë të ditur liderët e partive të Lidhjes Europiane për Ndryshim, LEN-it, deputetët e tyre nuk do të marrin pjesë në seancën e sotme të Kuvendit, ku në rend dite është zgjedhja e Qeverisë teknike.
Opozita shqiptare ka marrë vendimin me arsyetimin se nuk i lejohet ta ketë një anëtar në Komisionin Shtetëror Zgjedhor (KSHZ).
Ndërkohë seanca për votimin e qeverisë teknike ka filluar një orë e 15 minuta vonesë. Në seancën e sotme opozita maqedonase ndonëse do të jetë prezentë në Kuvend, nuk do të votoj për Qeverinë e re.
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)