Transmetuar më 21-01-2024, 23:29

‘Përgatitja e Ditës së Fundit’ dukej si një hobi në kufijtë paranojakë, tashmë i ezauruar, por amerikanët e zakonshëm shpenzuan 11 miliardë dollarë për artikujt e mbijetesës, vetëm vitin e kaluar.

Sipas sondazheve, rreth një e treta e qytetarëve amerikanë pranojnë se po përgatiten, por pak prej tyre i kanë burimet financiare për ta bërë. Ata po përgatitem nga një pandemi e mundshme, apo çdo lloj pasigurie tjetër. Ndaj po marrin masa të mbijetojnë.

Ndërkohë më të pasurit në botë janë duke shpenzuar gjithnjë e më shumë qindra miliona për sigurimin e komplekseve nëntokësore, ishujve privatë dhe ‘apartamentet e mbijetesës’.

Në fund të vitit të kaluar u zbulua se Mark Zuckerberg po ndërtonte një kështjellë të fshehur prej 100 milionë dollarësh nëntokësore, nën fermën e tij në ishullin Havai, të kompletuar me energjinë dhe furnizimet e veta ushqimore dhe dyert rezistente ndaj shpërthimit.

Sipërmarrësi miliarder Frank VanderSloot, njeriu më i pasur i Idahos, së fundmi bleu një fermë prej 2,000 hektarësh në jug të kompleksit të Zuck-ut për 51 milionë dollarë.

“Lufta e Rusisë kundër Ukrainës ka ngritur pyetje të thella rreth mënyrës se si shtetet ndërveprojnë, duke gërryer normat e sjelljes ndërkombëtare”, thuhej në deklaratën e koalicionit jofitimprurës të fizikanëve dhe studiuesve të tjerë të Buletinit të Shkencëtarëve Atomike.

“Dhe më e keqja, kërcënimet e fshehta të Rusisë për përdorimin e armëve bërthamore i kujtojnë botës se përshkallëzimi i konfliktit, aksidentalisht ose qëllimisht, është një rrezik i tmerrshëm”, thonë ata.

Këto shqetësime janë rritur vetëm pasi fushatat e bombardimeve të Izraelit mbi Gazën, në përgjigje ndaj Hamasit.

Shqetësimet e vazhdueshme për një pandemi tjetër, nuk kanë bërë asgjë për të zbutur frikën e kolapsit të shoqërisë.

Bashkohu me kanalin e NOA WhatsApp për lajmet më të fundit direkt në celularin tënd