Ka vetëm një Ronaldo. Dhe ai nuk është Cristiano. Ky është "konkluzioni" i nënkuptuar nga "Fenomeni", Ronaldo Luis Nazario de Lima, braziliani R9, i cili në formacionin e tij ideal të të gjitha kohërave zhvlerëson “alter ego”, që në të njëjtën kohë po grumbullon gola dhe konsensus edhe në Arabinë Saudite.

Një zgjedhje që lë mjaft të hutuar, por është pjesë e një “kirurgjie” precize e ish-kampionit brazilian. Ai e la portugezin jashtë nga tresheja e tij ideale sulmuese. Emri thuajse identik ka krijuar gjithmonë një krahasim të largët mes brazilianit dhe portugezit, me të parin që konsiderohet nga shumëkush si "Ronaldo origjinal", ai që tërbohej si në kombëtare, ashtu edhe me ngjyrat e Barcelonës, Real Madridit dhe Interit.

414 gola gjithsej mes klubeve dhe ekipit kombëtar, dy “Topa të Artë” të fituar po aq Kupa Bote, në një karrierë të jashtëzakonshme, fatkeqësisht e kushtëzuar nga shumë dëmtime. Për CR7, pra, një sfidë pothuajse e pabarabartë, pavarësisht shifrave mahnitëse, teksa edhe 38 vjeç vazhdon të korrë suksese në aventurën saudite.

Në një video që është bërë virale ditët e fundit, “Fenomeni” argëtohet duke përpiluar 11-shen e tij ideale të të gjitha kohërave, plot me kampionë të jashtëzakonshëm dhe emra yjesh që përfshijnë edhe disa të njohur të vjetër të futbollit italian.

Një “homazh” për Italinë, me të cilën R9 ishte shumë i lidhur gjatë aventurës tek Interi. Në zgjedhjet e brazilianit, Gigi Buffon është në portë, pastaj një mbrojtje me katër lojtarë, e përbërë nga Cafu dhe Roberto Carlos në anë, me ‘Kaiser’ Beckenbauer dhe Paolo Maldini si qendërmbrojtës.

Padyshim që për t’iu përshtatur më të mirëve, skema është mjaft e sforcuar, por nuk i heq vlerësimet e Ronaldos për më të mirët e të gjitha kohërave. Kështu, në befasi para mbrojtjes shfaqen dy lojtarë të jashtëzakonshëm: Zico dhe Maradona. Më në fund, një linjë mesfushorësh-sulmues të tejmbushur me klas, gola dhe gëzim për futbollin, përbëhet nga Messi dhe Ronaldinho, në anë, dhe Pelé në qendër për të frymëzuar sulmuesin e vetëm në rol: veten, R9.

El ONCE DEL FENÓMENO.🧙‍♂️⚽🧙‍♂️ pic.twitter.com/Aq0JFq51KM

— Op10 del PUEBLO. (@03opiodelpueblo) September 29, 2023

Është e pamundur ta fajësosh atë, pavarësisht se një 4-2-3-1 është taktikisht i pakuptimtë, por iu jep hapësirë ​​të gjithë kampionëve në historinë e futbollit. Me përjashtim të Cristiano Ronaldos. Në fakt nuk është hera e parë që “Fenomeni” e injoron CR7. Tashmë në vitin 2022, gjatë një interviste në të cilën u pyet se cilët ishin tetë më të mirët e të gjitha kohërave, “Fenomeni” bëri zgjedhjet e tij dhe në atë rast, Cristiano nuk ishte në listë.

Sigurisht që jo për të diskredituar cilësitë dhe veprat e tij, por gjithsesi e nxjerr në plan të dytë në krahasim me të tjerët. Të gjithë të përzgjedhurit e “Fenomenit” janë të denjë për një ekip madhështor dhe të pamposhtur, vetëm se CR7 do ta shikonte vetëm nga pankina.