Presidenti i klubit të kategorisë së dytë kolumbiane Tigres FC, Edgar Paez, u qëllua për vdekje pas humbjes së ekipit të tij të shtunën, njoftoi klubi.

63-vjeçari po kthehej në shtëpi me makinë, me vajzën e tij, pas humbjes 3-2 ndaj Atletico FC, kur u vra nga dy burra të hipur mbi motoçikletë, afër stadiumit, raportojnë mediat lokale.

Vajza e tij shpëtoi e padëmtuar dhe autoritetet aktualisht po kryejnë një hetim për vrasjen.

“Familja Tigres dhe komuniteti sportiv janë të shkatërruar nga kjo ngjarje, – tha klubi në një deklaratë. – Angazhimi i tij ndaj ekipit dhe përkushtimi për zhvillimin e sportit në rajonin tonë la gjurmë të pashlyeshme te të gjithë ata që patën privilegjin ta njohin”.

Fernando Jaramillo, President i Divizionit të Madh të Futbollit Profesional Kolumbian (DIMAYOR), i cili drejton ligat profesionale, vajtoi vdekjen e Paez: “Ai u dallua gjithmonë nga respekti për miqtë, nga dashuria që shprehte për sportin me të cilin ne të gjithë jemi të apasionuar; futbollin”.