Transmetuar më 18-08-2023, 10:14
Policia e Kosovës ka zhvilluar një aksion në Ministrinë e Industrisë, Ndërmarrësisë dhe Tregtisë. Sipas të dhënave aksioni ka lidhje me dyshimet e keqpërdorimit me rezervat shtetërore.
Deri më tani mësohet se dy persona janë arrestuar të përfshirë në këtë rast.
Po ashtu, aksioni po zhvillohet edhe në banesën dhe lokalin e një biznesmeni që dyshohet se është i përfshirë.
Dyshohet se bëhet fjalë për “Aferën Vaji” të raportuar nga mediat kosovare.
MINT ka porositur vaj në Poloni për rezerva shtetërore dhe ka kryer pagesën, por nuk e ka marrë mallin.
Bashkohu me kanalin e NOA WhatsApp për lajmet më të fundit direkt në celularin tënd