Transmetuar më 02-05-2023, 14:21

SHBA- Dasma kthehet në tragjedi. Shoferja e dehur aksidenton çiftin, nusja vdes dhëndri rëndë në spital.

Mësohet se dhëndri Aric Hutchinson ndodhet në gjendje kritike, ka pësuar lëndime në tru dhe fraktura të shumta.Të lënduar kanë mbetur edhe tre persona të tjerë që ndodheshin në automjet me çiftin.

SHBA- Një nuse, Samantha Miller e cila po largohej nga dasma e saj humbi jetën vetëm pak çaste pas ceremonisë kur një shofere e dehur u përplas me automjetin e çiftit të porsamartuar në një rrugë plazhi në Karolinën e Jugut. The guardian raporton se dhëndri Aric Hutchinson ndodhet në gjendje kritike, ka pësuar lëndime në tru dhe fraktura të shumta.

Të lënduar kanë mbetur edhe tre persona të tjerë që ndodheshin në automjet me çiftin. Gjithashtu nëna e dhëndrit krijoi një faqe ‘GoFundMe’ për të paguar funeralin e nuses së saj dhe faturat mjekësore të djalit të saj.

Ndërkohë e dyshuara Jamie Lee Komoroski po ecte me 105 km/h në momentin e aksidentit, para se të përplasej në automjetin e çiftit të porsamartuar. Kufiri i shpejtësisë në atë zonë është 40 km/h. Ajo po akuzohet për vrasje dhe për dhënien e makinës në gjendje të dehur dhe rrezikon të përballet me 25 vjet burg.