Transmetuar më 13-07-2022, 07:43

Tiranë- Policia Rrugore ka rikujtuar rregullat që prindërit duhet të kenë parasysh për fëmijët, ndërsa udhëtojnë me makinë.

Fëmijët deri në 4 vjeç duhet të ulen vetëm në sediljen e pasme dhe t’u vendoset sistem fiksimi.

Fëmijët deri në 12 vjeç mund të ulen në sediljen e parme, vetëm nëse u vendoset sistem fiksimi.

“Mosrespektimi i këtyre rregullave, të parashikuara në nenin 170 të Kodit Rrugor, ndëshkohet me gjobë 5.000 – 15.000 lekë të rinj dhe pezullim të lejes së drejtimit nga 6 deri në 12 muaj”, njofton policia.