Protesta e Kalimashit në të cilën u shkatërruan sportelet e pagesës në Rrugën e Kombit u pasua me arrestimin e 23 personave nga ana e policisë, 11 prej të cilëve qëndrojnë ende në burg.

Pavarësisht protestave të organizuara, gjykata e vlerësoi të ligjshëm arrestimin e tyre dhe caktoi masën e sigurisë “arret me burg” të kërkuar nga prokuroria.

Me kuksianët e arrestuar sot janë treguar solidarë edhe tifozët e ekipit të futbollit të qytetit verilindor.

Në stadiumin e këtij qyteti luhej ndeshja e kupës me Laçin.

Në një moment, tifozët në shkallët e stadiumit kanë nisur të brohorasin “lironi vëllezërit tanë”./a.m./noa.al/