Antonio Conte pret me qetësi të kuptojë se cili do të jetë destinacioni më i mirë për të ardhmen e tij, por uji që rrjedh është ende i qetë, të paktën deri në këtë pikë, lëviz shumë pak. Fakti është se rikthimi i trajnerit salentin në Serie A nuk është aq i dukshëm.

Enrico Currò shkruan për këtë në “Repubblica”, duke shpjeguar se, ditët e fundit, Chelsea, skuadra e tij e vjetër, është rikthyer fuqishëm në gjurmët e tij, me Todd Boehly, i cili do të ishte gati ta mbulonte me ar…

Pastaj, sigurisht, perspektivat, dëshirat, thirrja e atdheut mund të mos jenë më aq të forta. Conte kishte vendosur: nëse Juve nuk do të jetë vërtet opsion i mundur, destinacioni më i mirëpritur, ose ndoshta i vetmi me të vërtetë i mirëpritur, ishte Milani. Problemi është se kuqezinjtë kanë ngritur një sërë dyshimesh, që nuk janë kapërcyer kurrë dhe, pavarësisht bisedimeve të vjetra me Ibrahimovic, akordi deri më tani nuk ka qenë mbizotërues.

Alternativa italiane quhet Napoli, por Aurelio De Laurentiis, i cili tashmë e ka tentuar edhe në janar, nuk i ka trazuar kurrë ndjenjat e trajnerit nag Lecce. Pra, Londra dhe Chelsea bëhen sërish një zgjidhje e mundshme. Nuk ka siguri absolute, por është krejtësisht e mundur si pistë.

E sigurt është se perspektivat janë objektivisht të ndryshme: në Premier League, Conte do të vazhdonte të fitonte shuma të çmendura, do të kishte në dispozicion shumë para për merkato yjore. Në Itali as që nevojitet për t’u nënvizuar, duhet të kënaqet me shumë më pak. Duke u ndalur në një projekt afatmesëm, një “modus operandi” që nuk ka qenë kurrë në favor të tij dhe që në fakt ushqen dyshimet, për shembull, të Milanit.

Ai betohet se ka ndryshuar në këtë kuptim, por kontrata e tij mbetet të paktën 8 milionë euro në sezon, pak a shumë dyfishi i asaj që italianët planifikojnë të shpenzojnë për një trajner (edhe nëse De Laurentiis do të kishte bërë një ofertë shumë të rëndësishme). Pra, çfarë do të bëjë Conte? Do të duhet ende kohë, sepse ka ende shumë stola të lirë, por në fund mund t’i duhet të gëlltisë dëshirën për Italinë dhe të zgjedhë milionat. Chelsea ka bërë lëvizjen e parë, topi tashmë është në fushën e negociatorëve mes palëve.