Ka një kthesë të mundshme në rastin që përfshin vdekjen e Diego Armando Maradonës. Raporti i një eksperti mjekësor, i cili përpiloi një ekspertizë me kërkesë të njërit prej të akuzuarve (neurokirurgut Leopoldo Luque), dalin disa dyshime për përgjegjësitë reale të 8 punonjësve shëndetësorë që përfunduan në gjyq në Argjentinë dhe rrezikojnë dënime me burg nga 8 deri në 25 vite.

Eksperti mjeko-ligjor Pablo Ferrari thuhet se arriti në përfundimin se rrahjet e shpejta dhe të çrregullta të zemrës të Maradonës ishin me origjinë natyrore, ose si rezultat i një faktori të jashtëm, ndoshta një ilaç me të cilin legjenda e Napolit kishte abuzuar në të kaluarën.

Këto rezultate kundërshtojnë ato të paraqitura nga një komision mjekësor prej 20 anëtarësh, i ngarkuar me hetimin e vdekjes së “Pibe de Oro”, i cili në vend të kësaj e drejtoi gishtin nga ekipi që e ndoqi atë në javët e fundit të jetës. 8 persona ndaj të cilëve gjyqi do të nisë zyrtarisht më 4 qershor.

“Është një pikë kthese radikale në këtë çështje”, – tha për mediat lokale Vadim Michanchuk, avokati mbrojtës i psikiatres së Maradonës, Agustina Cosachov. Zyra e prokurorisë, megjithatë, kritikoi raportin e Ferrari, të hartuar në vetëm 72 orë, dhe e akuzoi atë se kishte lënë jashtë provave 4-vjeçare në favor të "një pjesë minimale të provave të paraqitura nga mbrojtja". “Nuk ka asnjë zbulim në këtë rast”, – thanë hetuesit për këtë çështje.