Thomas Tuchel, duke folur në një konferencë për shtyp në prag të ndeshjes së parë gjysmëfinale të Ligës së Kampionëve kundër Real Madridit, e prezantoi kështu sfidën evropiane.

Lewandowski tha se Bellingham është një nga më të mirët në botë…

Nuk më pëlqen të kategorizoj, nuk më pëlqen termi "lojtari më i mirë". Ka shumë lloje lojtarësh… Jude është i jashtëzakonshëm, është zhvilluar në Bundesligë. Përparimi i tij, niveli që ka arritur, personaliteti..; po flasim për një lojtar të jashtëzakonshëm. Ai luan në ekipin më të mirë në botë, ndaj duhet të përpiqemi ta ndalojmë.

Si i shihni Vinicius dhe Rodrygo?

Ata janë të dy lojtarë të fortë dhe të ndryshëm. Rodrygo pëlqen të rrotullohet, nuk më pëlqeu shumë goli që shënoi kundër Chelsea tim. Vinicius luan shumë mirë në të majtë, është pozicioni i tij i preferuar, kërkon duelet një kundër një. Është sulmues shumë i mirë, vendimtar, Rodrygo luan midis ‘9’ dhe ’11’, për mua pozicioni i tij është pak më fluid. Ai është shumë i mirë në hapësirat e ngushta.

Çfarë loje prisni?

Nuk është vetëm përvoja, ajo që vendos. Ancelotti është një legjendë. Ajo që ka bërë për futbollin si lojtar dhe trajner është e pabesueshme. Ai është një person kaq modest, një zotëri… Takimi im i parë me të ishte i mrekullueshëm, njeri shumë i sjellshëm.