Trajneri i Real Madridit, Carlo Ancelotti, prezantoi në mikrofonat e "Sky Sport" ndeshjen e parë gjysmëfinale të Champions League, të planifikuar për sot kundër Bayern Munich: “Është emocionuese të kthehem në Mynih, kam kujtime të mira dhe të këqija, si shkarkimi. Kësaj here, megjithatë, do të jetë një histori tjetër. Ne duhet të mendojmë për të tashmen dhe jo për të shkuarën”.

Si ka ndryshuar Real Madridi këtë sezon?

Largimi i Benzema i ka ndryshuar gjërat në sulmin tonë, jemi më të paparashikueshëm dhe kemi më shumë lëvizshmëri. Megjithatë, edhe Bayerni ka sulmues të mëdhenj, mendoj këtu për Harry Kane. Do të përballen dy skuadra plot histori dhe kampionë.

Çfarë mendimi keni për Bayern Munich?

Bayerni është një ekip i paparashikueshëm. Ne po flasim për një ekip të kompletuar.

A e përsëritët bastin e golave me Valverde?

Jo, ne nuk kemi vënë baste këtë sezon. Valverde ka pasur një sezon të mrekullueshëm, duke luajtur shumë mirë në role të ndryshme. Ai është një lojtar që më pëlqen shumë.

A i keni shqyrtuar penalltitë e ndeshjes kundër Manchester City?

Po, i rishikova penalltitë, sepse nuk i kisha ndjekur "live”.