"Mënyra se si i analizonte taktikisht kundërshtarët ishte në një nivel që unë ende nuk e shoh sot. José Mourinho, një gjeni absolut. Ai dinte emrat e të gjithë gjyqtarëve, udhëzimet që kundërshtari jepte për ekipin tonë".

Këto janë mendimet dhe fjalët e John Terry, legjendës së Chelsea dhe Premier League (ai sapo ka hyrë në "Hall of Fame" të kampionatit anglez), i cili u fokusua gjerësisht te "Special One" në podcastin "Up Front With Simon Jordan":

"Në para-sezonin e parë me Mourinhon qëndruam në Angli për disa ditë, para se të shkonim në Los Angeles. Seancat e para stërvitore ishin një mundësi e mirë për t’i bërë përshtypje atij, sepse të gjithë ishim të tmerruar nga konferenca e tij e parë për shtyp. Të gjithë ishim të shqetësuar, pyesnim njëri-tjetrin, nuk e dinim se çfarë na priste. Ishte pak frikësuese të shihje se sa i sigurt shfaqej në ato që thoshte dhe bënte".

Më tej shtoi lëvdata të tjera për trajnerin portugez: "Më pëlqen mënyra se si krijoi mentalitetin e botës kundër Chelsea. Më kujtohet dita e parë në punë, mendoja se isha gjithmonë herët. Isha në mensë dhe ai tashmë ishte jashtë në lëndinë, duke rregulluar konet për stërvitje. Ai na tha: Do ta fitojmë kampionatin këtë vit, ju jeni lojtarët më të mirët në botë. Nuk na ishin thënë kurrë këto gjëra, por me të vërtetë na bëri të ndjehemi të veçantë".