Arda Güler ka dhënë një intervistë për “Kafa Sports”, në të cilën ka analizuar sezonin e tij të parë te Real Madridi dhe marrëdhënien me Ancelottin: "Të jesh lojtar i Real Madridit është një gjë shumë e bukur. Është klubi më i madh në botë. Të luaja këtu ka qenë ëndrra ime më e madhe që i vogël, jam shumë i lumtur”.

PSG, Bayern, Barcelona, ​​Inter dhe Milan po të kërkonin…, pse zgjodhët Real Madridin?

Kur babai më telefonoi dhe më tha se Real Madridi ishte i interesuar, u emocionova, u gëzova shumë. Që në moshë të re, shumë fëmijë ëndërrojnë të luajnë për Real Madridin, klubin më të madh në botë. Atje janë si një familje, më propozuan një projekt afatgjatë.

A mendoni se keni luajtur mjaftueshëm deri tani?

Ne të gjithë do të donim të ishim gjithmonë në fushë nga minuta e parë deri në minutën e 90-të, por ka disa aspekte në filozofinë e këtij klubi… Real Madridi është duke përgatitur shumë lojtarë të rinj intensivisht, kështu që nuk ndihem i trishtuar kur nuk luaj. Natyrisht, bëj gjithçka që është e mundur për të luajtur sa më shumë. Ancelotti dhe unë kemi biseduar për këtë rrugëtim para se të nënshkruanim. Trajneri më tha se çfarë planesh kishte për mua këtu, më ofroi një projekt real. Ancelotti më tha se do të luaja kur të mendonte se isha gati. E pyes rregullisht se çfarë mund të bëj për të luajtur më shumë, si mund të përmirësohem. Ai më këshillon, duhet të jem i durueshëm.