Një aksident me pasojë vdekjen ka ndodhur mëngjesin e sotëm në bypass-in e Kaninës në Vlorë, ku dy automjete janë përplasur dhunshëm me njëra-tjetrën.

Si pasojë e impaktit të fortë, një prej makinave është përfshirë nga flakët, duke shkaktuar vdekjen e parakohshme të një djali 35 vjeç që ndodhej brenda mjetit, i cili nuk ka mundur të dalë në kohë. Viktima është F.K., 35 vjeç.

Në vendngjarje kanë mbërritur shërbimet e Policisë Rrugore dhe forcat zjarrfikëse, të cilat kanë bërë të mundur fikjen e zjarrit dhe po punojnë për menaxhimin e qarkullimit rrugor.

Autoritetet kanë nisur hetime për të zbardhur dinamikën dhe shkaqet e sakta të këtij aksidenti të rëndë.