Gramsh – Reshjet e shiut të regjistruara pasditen e kësaj të hëne kanë shkaktuar sërish probleme në aksin rrugor Moglicë–Gramsh, duke sjellë bllokim të pjesshëm të qarkullimit.

Sipas informacioneve nga terreni, si pasojë e motit të keq, masa të konsiderueshme dheu dhe gurësh janë shkëputur nga shpatet anësore të malit dhe kanë përfunduar në rrugë, duke penguar lëvizjen normale të automjeteve.

Aktualisht, qarkullimi po kryhet vetëm në njërin krah të rrugës, ndërsa ndërhyrja për pastrimin e plotë të aksit mbetet e vështirë për shkak të rënies së vazhdueshme të materialeve inerte nga shpatet.

Autoritetet lokale dhe grupet e emergjencës ndodhen në terren dhe po monitorojnë situatën, ndërsa vijojnë përpjekjet për normalizimin e qarkullimit.

Drejtuesit e mjeteve këshillohen të tregojnë kujdes të shtuar gjatë kalimit në këtë segment rrugor dhe të ndjekin udhëzimet e autoriteteve përkatëse.