Të dhënat po ngarkohen...
Transmetuar më 08-06-2026, 16:07
Kamëz – Në foto është Ardian Baloshi 27 vjeç, i cili humbi jetën pasi u qëllua me armë zjarri.
Sipas informacioneve paraprake, i riu nuk ka mundur t’u mbijetojë plagëve të marra dhe ka ndërruar jetë gjatë transportimit drejt spitalit.
Ngjarja ka ndodhur në rrugën “Dervish Luzha”, ku 27-vjeçari është qëlluar me armë zjarri në rrethana që ende po hetohen nga autoritetet.
Policia e Shtetit ka ndërmarrë menjëherë veprime për identifikimin dhe kapjen e autorit të dyshuar. Sipas burimeve zyrtare, në kërkim është shpallur Sadik Llanaj 39 vjeç, i cili dyshohet se është larguar nga vendngjarja me automjetin e tij menjëherë pas krimit.
Forcat e Policisë, në bashkëpunim me strukturat speciale të RENEA-s, vijojnë kontrollet intensive për lokalizimin dhe arrestimin e të dyshuarit, i cili konsiderohet i armatosur.
Ndërkohë, grupi hetimor po punon për zbardhjen e plotë të rrethanave dhe motiveve që çuan në këtë ngjarje të rëndë.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd