TIRANË- Kryeministri Edi Rama ka njoftuar se qeveria do të ofrojë një paketë mbështetëse për dëmet në fushën e bujqësisë, banesave apo nevojave të tjera të shkaktuar nga zjarret që përfshinë vendin javët e fundit.

Rama ndau pamjet e takimit ku ministrat e qeverisë njoftuan rritjen e gatishmërisë për muajin Gusht dhe mobilizimi i strukturave përkatëse për menaxhimin e situatës së zjarreve në vend.

"Masat e marra, rritja e gatishmërisë për muajin Gusht 2025 dhe mobilizimi i strukturave përkatëse për menaxhimin e situatës së zjarreve në vend, ku qeveria do të ofrojë një paketë mbështetëse për dëmet e shkaktuara në fushën e bujqësisë, banesave apo nevojave të tjera që kanë lindur si pasojë e vatrave të zjarrit.", thuhet në postimin e Ramës.