TIRANË- Një sondazh i zhvilluar së fundi ka pasur në fokus dhe sa janë të prirur qytetarët për t’u larguar nga Shqipëria.

Diferencat demografike më të mëdha në këtë objektiv shihen tek grupmoshat.

Sondazhi i fundvitit i DataCentrum-Barometri në Euronews Albania ka pyetur qytetarët lidhur me objektiva të ndryshëm lidhur me vitin 2025.

Të pyetur “Çfarë objektivash i keni vënë vetes për vitin 2025 – Të iki nga Shqipëria/ Llotaria Amerikane”, 24.5% e qytetarëve të pyetur janë përgjigjur se e kanë si objektiv, ndërkohë që 72.5% e tyre tregojnë se nuk e kanë si objektiv.

Këtë objektiv e kanë 39.8% e atyre që janë 18-24 vjeç dhe 43.9% e atyre që janë 25-34 vjeç. Ndërkohë që me rritjen e moshës ky objektiv është më pak i shprehur në grupmoshat e tjera.