Këto janë gjërat thelbësore që ju duhen pranë mëngjesit dhe natës për shëndet dhe mirëqenie maksimale

Të jetosh në një hapësirë ​​që nuk është funksionale dhe e organizuar mund të prishë zakonet tuaja, të dëmtojë rrjedhën e gjithë ditës dhe, në planin afatgjatë, të "sabotojë" shëndetin tuaj.

Bëjeni rutinën tuaj të mëngjesit dhe të mbrëmjes një zakon duke mbajtur këto 5 artikuj në komodinën tuaj:

1. Uji

Pas 8 orësh gjumë, trupi juaj është i dehidratuar. Pirja e një gote ujë çdo mëngjes, pas zgjimit dhe para kafesë, ndihmon:

Në hidratim.

Në pastrimin e zorrëve, gjë që kontribuon në përthithjen më efikase të lëndëve ushqyese nga trupi.

Në eliminimin e toksinave.

Në prodhimin e qelizave të reja.

Në stimulimin e metabolizmit dhe si rrjedhojë uljen e peshës.

Në aktivizimin e organeve të brendshme.

Pirja e ujit para gjumit kontribuon në:

Në hidratimin më efektiv të organizmit.

Në parandalimin e sulmit në zemër dhe goditjes në tru.

Për të shmangur ngërçet gjatë gjumit.

Dehidratimi ndikon negativisht në gjumin e natës. Njerëzit që hidratohen mirë para gjumit flenë më mirë, kanë më shumë energji ditën tjetër dhe një humor shumë më pozitiv.

Gjatë gjumit të natës trupi aktivizon mekanizmat e detoksifikimit dhe restaurimit të qelizave.

Një sasi e përshtatshme uji para gjumit përmirëson qarkullimin e gjakut dhe lejon trupin të riparojë dëmtimet në inde të ndryshme të trupit më shpejt dhe me efikasitet.

2. Ilaçe ose vitamina

Kështu nuk do të harroni më të merrni vitaminat dhe ilaçet tuaja. Dhe me ujë në krah nuk do t’ju duhet as të ngriheni nga shtrati.

3. Hidratues

Rutina juaj e kujdesit të lëkurës në mbrëmje dhe rutina juaj e kujdesit të lëkurës në mëngjes shërbejnë për dy qëllime krejtësisht të ndryshme, por ato kanë një gjë të përbashkët.

Rutina e kujdesit të lëkurës në mbrëmje i prezanton lëkurës produkte, të cilat ndihmojnë në riparimin e lëkurës gjatë gjumit restaurues.

Rutina e mëngjesit ka të bëjë me mbrojtjen e lëkurës. Ju i jepni lëkurës tuaj atë që i nevojitet për t’u mbrojtur nga stresorët mjedisorë dhe për të parandaluar çdo dëmtim të mëtejshëm.

Një hap që nuk duhet të mungojë si nga rutina juaj e mëngjesit ashtu edhe e mbrëmjes është hidratimi.

Nëse ju duket si një "mal" për ta kaluar këtë proces 2 herë në ditë, vendosni kremin hidratues në komodinë për lehtësi më të madhe.

Megjithatë, mbani mend se është e rëndësishme të lani fytyrën çdo mëngjes, pasi vaji, papastërtitë dhe qelizat e vdekura mund të grumbullohen gjatë natës.

4. Diçka për të lexuar

Studimet tregojnë se leximi mund t’ju ndihmojë të jetoni më gjatë duke reduktuar stresin dhe duke përmirësuar gjumin.

Lini librat ose revistat tuaja në komodinë për qasje të lehtë sa herë që dëshironi të relaksoheni, pa u ngritur nga shtrati.

5. Ditari

Shkrimi i ditarit, regjistrimi i mendimeve, ndjenjave, ideve dhe kujtimeve personale, është një nga mjetet më të rëndësishme të shëndetit që mund të vendosni në komodinën tuaj.

Përfitimet e shumta të ditarit:

Redukton stresin.

Përmirëson funksionimin e sistemit imunitar.

Mban kujtesën gjallë.

Rrit humorin.

Ndihmon në shërimin e plagëve të brendshme. /noa.al