Një driblim më i mirë se Messi, një sprint më i shpejtë se Mbappé. Askush nuk dukej në gjendje ta ndalonte, duhej ta kapnin për shkak të lodhjes për të penguar arratisjen e tij me topin në këmbë. Në të vërtetë, me topin në gojë.

Po, sepse protagonisti i kësaj skene të pazakontë ishte një qen, një rracë e përzier që pushtoi fushën dhe mori topin gjatë një ndeshjeje të vlefshme për javën e 11-të të kampionatit (Apertura Liga de Expansion) meksikan të futbollit, mes Alebrijes de Oaxaca dhe Dorados (fituan 4-0 nikoqirët).

Sapo ia arriti qëllimit, i kënaqur me çmimin e marrë, qeni filloi të vraponte në fushë, pa e penguar askush. Më pas, i lodhur dhe i kënaqur me atë që sapo kishte bërë, kafsha besnike e ngadalësoi vrapimin.

Kështu e lejoi veten të pengohej nga një prej lojtarëve në fushë, i cili fillimisht e përkëdhelte me shumë kujdes dhe më pas lejoi stjuardët ta lidhnin dhe ta nxirrnin jashtë fushe. Por gjithmonë me topin në gojë. Askush nuk ia hoqi më kurrë atë nga goja…