Golashënuesi më i mirë i La Liga-s në sezonin e kaluar, Robert Lewandowski, ende e ka golin “mes vetullave”. Në katër ndeshjet e fundit ka arritur të shënojë pesë gola, dy të fundit kundër Celta Vigo. Shifra që e vendosin atë si golashënuesin më të mirë të La Liga-s për momentin, së bashku me Jude Bellingham dhe Álvaro Morata, respektivisht nga Real Madridi dhe Atlético Madridi.

Pavarësisht rekordit spektakolar dhe vështirësisë për të shënuar në katër ndeshje radhazi, kjo është seria e dytë më e gjatë finalizuese e sulmuesit polak te Barcelona. Ai tashmë e ka tejkaluar veten, atë që ka arritur mes ndeshjeve të 10-ta dhe 12-ta, dhe nga ndeshja e 34-t në ndeshjen e 36-të të sezonit të kaluar, ku arriti të shënonte në tri ndeshje radhazi.

Edhe pse rekordi më i mirë ishte gjithashtu në të njëjtën periudhë të sezonit 2022-2023, Lewandowski ishte në gjendje të shënonte në gjashtë ndeshje radhazi në La Liga. “Viktimat” e tij ishin Real Sociedad, Real Valladolid, Seville, Cádiz, Elche dhe Mallorca.

Këto gjashtë skuadra, në total, pësuan deri në nëntë gola nga ndërkombëtari polak në vetëm dy muaj. Një seri që e ka të arritshme tani dhe që mund të barazohet nëse arrin të shënojë në dy ndeshjet e ardhshme kundër Mallorca dhe Sevilla. Ai do ta kalonte vetëm nëse pas kësaj do të shënonte kundër Granada.

Rekordi i tij me Barcelonën është ende larg asaj që arriti duke luajtur për Bayern Munich. Në Bundesligë, ai ishte në gjendje të shënonte së paku një gol në 11 ndeshje radhazi në sezonin 2019-2020. Kjo ndodhi në ndeshjet mes javës së parë të Bundesligës dhe asaj të 11-të (në kampionat). Një seri që do ta prekte sërish në dy sezonet në vijim, ku shënoi së paku nga një gol në nëntë ndeshje radhazi.