Transmetuar më 01-05-2023, 15:13

KOSOVË- Kryeministri i Kosovës, Albin Kurti, është nisur sot drejt Brukselit, ku të martën do të takohet me presidentin e Serbisë, Aleksandër Vuçiç, në kuadër të dialogut Kosovë-Serbi. KosovaPress ka siguruar pamjet nga nisja e delegacionit kosovar në krye me kryeministrin Kurti.

Në pamjet e publikuara pranë Kurtit, në ulëset e tyre në aeroplan është parë edhe zëvendëskryeministri Besnik Bislimi dhe ambasadori i Kosovës në Bruksel, Agron Bajrami.

Në takimin e nesërm të dialogut pritet të nënshkruhet deklarata për të zhdukurit dhe do të diskutohet drafti i statutit të Asociacionit të komunave me shumicë serbe.

Bashkohu me kanalin e NOA WhatsApp për lajmet më të fundit direkt në celularin tënd