Një ndërtues ka zbuluar mbi 47,000 £ para cash të fshehura brenda mureve të shtëpisë së tij të re.

Ndërtuesi Toño Piñeiro ishte duke bërë punë ndërtimi në një shtëpi që bleu në Lugo, në veriperëndim të Spanjës, kur gjeti paratë të futura në kanaçe Nesquik dhe të fshehura në mure.

Ai gjeti 6 kanaçe, me para cash brenda me vlerë rreth 47,500 £, raporton Mirror.

Paratë ishin peseta spanjolle, të cilat pushuan së qeni kurs ligjor në 2002 kur euro, njësia monetare e Bashkimit Evropian, u miratua si monedhë e vendit.

Kur Piñeiro u përpoq të arkëtonte paratë, ai zbuloi se disa prej kartëmonedhave ishin aq të vjetra sa nuk mund t’i ndërronte më me euro.

Burrit iu tha se ai kishte humbur afatin pasi Banka e Spanjës ndaloi së pranuari kartëmonedhat më të vjetra, kështu që ato rezultuan të pavlefshme.

Por Piñeiro gjithsesi ia doli t’i grumbullonte vetes 30,000 £ pasi tregtoi disa valuta më të përditësuara nga ngarkesa e tij, duke shtuar: "U paguan për një çati të re".