Ai nuk kishte shënuar për dhjetë ditë. Një përjetësi relative. Rekordi i tij prej 9 golash në tre muajt pas Kupës së Botës është larg nga 23 golat që shënoi në katër muajt e mëparshëm. Ai e ngriti stekën lart përpara se të shkonte me pushime dhe në kthim e pati të vështirë të ruante ritmin.

Pep Guardiola ofroi një shpjegim për "thatësirën" që po kalonte Erling Haaland: “Është faji im që nuk merr aq shumë pasime, sepse iu kërkoj lojtarëve të kenë kontrollin dhe kur ju e kërkoni këtë, lojtarët nuk e bëjnë. Ata shikojnë Haaland se është gjithmonë i rrethuar nga rivalët dhe nuk duan të rrezikojnë”.

Edhe pse më rrallë, Erling Haaland vazhdon të shënojë. Ai e bëri këtë kundër Arsenalit në fitoren e fundit të skuadrës së tij, e cila më pas barazoi kundër Forest dhe RB Leipzig pa gol të norvegjezit. Haaland shënoi përsëri të shtunën kundër Bournemouth.

Tashmë ka këtë bilanc mjaft pozitiv: 33 ndeshje, 33 gola në sezonin aktual, që është debutues për të te Manchester City. Norvegjezi po lodhet duke thyer rekorde. Ai e bëri këtë përsëri me golin e tij kundër Bournemouth.

Haaland ka shënuar 27 gola këtë sezon në Premier League, duke thyer kështu rekordin e Sergio Agüeros prej 26 golash në sezonin 2014-2015. Norvegjezi është futbollisti që ka shënuar më shumë gola për City në një sezon të vetëm në Premier League. Dhe ka ende 13 ndeshje përpara.