Cristiano Ronaldo, megjithë aventurën e tij të re larg nga vëmendja evropiane, vazhdon të jetë një shembull për t’u ndjekur në nivel sportiv. Uria, mentaliteti dhe zakonet fituese gati maniakale; të gjitha cilësitë që e bënë atë të ishte një nga lojtarët më të mirë në botë për disa sezone.

Nutricionisti spanjoll José Blesa, i cili fluturon një herë në muaj nga Spanja në Arabinë Saudite për të ndjekur Cristiano Ronaldon, tregoi se ylli portugez ka transmetuar një mentalitet krejtësisht të ri brenda ekipit të tij të ri.

"Cristiano më ndihmon shumë, sepse nuk kam pse t’i mësoj asgjë tani. Ai ka ndërtuar një shkollë të vërtetë dhe lojtarët e ndjekin atë që bën për të përmirësuar performancën. Që kur Ronaldo arriti, të gjithë stërviten më shumë dhe ndjekin një dietë më rigoroze.

Unë kurrë nuk kam parë një klub si ky, në të cilin lojtarët përmirësojnë praktikisht 90% të përbërjes së trupit të tyre sa herë që i shoh. Ata kanë më pak yndyrë, më shumë muskuj dhe bëjnë të gjitha ushtrimet që bën Ronaldo".