Transmetuar më 19-01-2023, 09:35

Duket se presidenti i SHBA -së, Joe Biden, ka bërë një gafë të re, me videon që ka bërë xhiron e internetit orët e fundit.

Këtë herë presidenti amerikan ka harruar emrin e një gruaje, së cilës ka dashur t’i urojë “gëzuar ditëlindjen”.

Presidenti 80-vjeçar ishte në një event të fondacionit Martin Luther King të mbajtur në Uashington, DC, dhe u përpoq t’i këndonte "Happy Birthday" gruas së djalit të Martin Luther King, por … harroi emrin e saj.

“Martin, sot ne festojmë trashëgiminë e babait tënd të dashur. Por urime sot edhe për gruan tuaj – ditëlindjen e…?

Shiko gruaja ime ka një rregull në familjen tonë: kur dikush ka ditëlindjen, ne i këndojmë "Gëzuar ditëlindjen".

A jeni gati;" tha fillimisht Joe Biden.

Duke kuptuar se nuk e mbante mend emrin e gruas, Biden kërkoi me ankth për emrin e festueses, Andrea Waters King.

Më në fund presidenti nuk mundi ta sillte në mend, kështu që kur arriti te pika, tha: "Gëzuar ditëlindjen, e dashur Valz-dvit".

Duke kuptuar gabimin e tij të ri, Biden u përpoq të "shpëtonte" dhe të dilte nga situata me një shaka, duke thënë: "Është e vështirë të jesh 30. Por duhet ta përballosh".

Shikoni videon: