Transmetuar më 06-01-2023, 14:27

Një shqiptar është vrarë në Itali mbrëmjen e së enjtes pas një konflikti me fqinjin e tij. Ngjarja ka ndodhur në fshatin San Polo të Arezzos.

Sipas mediave italiane, viktima është 57 vjeç me origjinë nga Shqipëria, por identiteti i tij nuk është bërë i ditur. Ai u qëllua me pushkë nga fqinji i tij 53-vjeçar.

Sa i përket rrethanave të ngjarjes, shqiptari dëmtoi me eskavator 4 makina të përkuara të fqinjit të tij e më pas goditi disa herë me kovën e eskavatorit muret dhe çatinë e shtëpisë, duke i shkaktuar dëme të konsiderueshme komshiut të tij.

Ky i fundit, në rrethana të tilla, mori pushkën dhe qëlloi disa herë në drejtim të 57-vjeçarit shqiptar duke e lënë të vdekur.

Arezzo, lite tra vicini finisce in tragedia: 59enne assalta la villetta con la ruspa, il proprietario di casa gli spara e lo uccide https://t.co/JBReVBdJwP

— Leggo (@leggoit) January 6, 2023