Georgina Rodriguez ndau në Instagram imazhet e avionit të përdorur për të arritur në Arabinë Saudite, ku portugezi do të luajë për Al Nassr. Entuziazëm i madh në vend, fotot e dëshmojnë këtë.

Duket se ekziston një klauzolë sekrete në kontratën e re shumëmilionëshe të nënshkruar nga Cristiano Ronaldo me Al Nassr-in, e cila duket si një rrugëdalje. "Marca" raporton dhe shpjegon detajet:

CR7 mund të luajë ende në Champions League para përfundimit të karrierës së tij, por vetëm me një kusht. Kampioni portugez ka nënshkruar një marrëveshje me klubin saudit deri në vitin 2025, duke i garantuar vetes rreth 175 milionë euro pagë.

Megjithatë ekziston një klauzolë, sipas së cilës: Cristiano mund të thotë lamtumirë më herët dhe të kthehet në Premier League. Në fakt, kjo klauzolë sekrete në kontratën e Ronaldos i jep atij mundësinë për të shkuar në huazim te Newcastle, por vetëm nëse ‘Magpies’ arrijnë të kualifikohen në Champions League këtë sezon.

Kjo për shkak se pronari i ekipit anglez është Fondi i Investimeve Publike, një nga fondet më të mëdha të pasurisë sovrane në Arabinë Saudite dhe në botë. Për momentin, Newcastle është i treti në Premier League, pra në mes të Champions League.