Transmetuar më 02-01-2023, 10:34
Pustec- Gjendet e mbytur në liqen një e moshuar.
Ngjarja ka ndodhur në Pustec.
Një grua rreth 75 vjeçe, e cila jetonte e vetme në banesë, ishte zhdukur prej 3 ditësh.
Ka qenë vajza e saj që ka dhënë alarmin pasi prej disa ditësh nëna nuk i përgjigjej në telefon.
Mëngjesin e sotëm, pas kërkimeve të emergjencave të bashkisë, zjarrfikëses dhe policisë, u gjet një trup i pajetë në liqenin e Prespës, që dyshohet se i përket asaj.
Në vendin e ngjarjes shkuan ekspertët të cilët do të zbardhin rrethanat, ndërsa pas nxjerrjes së trupit do ti nënshtrohet autopsisë. noa.al