TIRANË- Partia Demokratike ka reaguar për shfaqjen e filmit vizatimor “Strange World”, ku personazhet kryesorë janë dy djem të vegjël, që dashurohen me njëri-tjetrin. Me anë të një deklarata zyrtare, PD u ka bërë thirrje prindërve dhe mësuesve që të denoncojnë çdo përpjekje për t’i dhënë legalitet asaj që e quajnë "propagandë sorosiane" që cënon vlerat e familjes.
Deklaratë e drejtuesit të Sekretariatit për të Drejtat e Njeriut, Bislim Ahmetaj.
Partia Demokratike, si parti e vlerave konservatore, ka qenë dhe do të jetë gjithmonë në mbrojtje të familjes tradicionale, ne jemi të vendosur të kundërshtojmë çdo lloj propagande të llojit sorosian që promovon “Prindin 1” dhe “Prindin 2”, apo që “të jesh gay është gjëja më normale e mundshme”, “që heronjtë e fëmijëve tanë të jenë gay”, e të tjera devijime kundër familjes tradicionale dhe Krijuesit. Në cilësinë e Sekretarit për të Drejtat e Njeriut në Partinë Demokratike u bëj apel prindërve dhe mësuesve që të denoncojnë çdo përpjekje për t’i dhënë legalitet helmit që shpërndahet përmes filmave dhe formave të ndryshme të propagandës nëpër shkollat tona publike dhe private. Siç po ndodh këto ditë me filmin “Strange ëorld”, përkthyer në shqip me titullin “Botë e Mrekullueshme”, që po shfaqet në Kinema Millenium prej disa ditësh. Heronjtë e fëmijëve tanë, janë dhe duhet të jenë Skënderbeu, Nënë Tereza, Ismail Qemali e plot të tjerë, dhe jo përsonazhet gay të filmit “Botë e mrekullueshme”. Gjej rast të falenderoj dhe të shpreh solidaritet dhe mbështetje të plotë me “Koalicionin Shqiptarët Pro Familjes dhe Jetës”, si edhe organizatave të tjera të shoqërisë civile që kundërshtojnë me forcë promovimin dhe legalizimin e kësaj propagande, e cila po përpiqet të helmojë njërën prej shtyllave më të forta të shoqërisë shqiptare, Familjen. Dërgatës së Xhorxh Sorosit në krye të qeverisë shqiptare dhe të Bashkisë së Tiranës po i vjen fundi, ndaj edhe një herë ju bëj thirrje prindërve dhe edukatorëve të denoncojnë pranë Sekretariatit për të Drejtat e Njeriut cdo akt që nxit, inkurajon apo promovon devijimet nga normaliteti, që cënon parimet themelore të familjes, kolonës që ka siguruar mbijetesën historike të kombit tonë.
Filmi ‘Strange World’ ka krijuar shumë polemika në vendin tonë. Aktivistët e mbrojtjes së familjes, në vendin tonë kanë dalë kundër filmit, i cili paraqet dy djem të dashuruar me njëri tjetrin. Bota e çuditshme është një film amerikan i animuar me kompjuter, fantastiko-shkencor aksion-aventure i vitit 2022, i prodhuar nga Walt Disney Animation Studios dhe i shpërndarë nga Walt Disney Studios Motion Pictures. Filmi i 61-të i animuar i prodhuar nga studio, ai u drejtua nga Don Hall, me skenar dhe bashkë-regjisor nga Qui Nguyen dhe prodhuar nga Roy Conli. Në film luajnë zërat e Jake Gyllenhaal, Dennis Quaid, Jaboukie Young-White, Gabrielle Union dhe Lucy Liu, dhe ndjek Clades, një familje legjendare eksploruesish, të cilët duhet të lënë mënjanë dallimet e tyre ndërsa nisin një udhëtim në një tokë misterioze të banuar nga forma të jetës surreale, në mënyrë që të shpëtojnë një burim të quajtur Pando nga humbja e burimit të tij të energjisë.
