Studentë nga universitete të ndryshme në Iran vazhduan të protestojnë mëngjesin e sotëm, siç ka ndodhur javën e kaluar, për Mahsa Amini, 22-vjeçaren kurde që vdiq më 16 shtator pasi u arrestua nga policia morale për mosmbajtjen e duhur të mbulesës. .

Këtë e ka bërë të ditur portali iranian me seli në Londër ‘Iran International’ duke publikuar video demonstruese në universitete të ndryshme të vendit.

Protesta u mbajtën në universitetet e Shirazit dhe Birjandit si dhe në disa universitete në Teheran, ku studentët kërkuan edhe lirimin e disa kolegëve të arrestuar ditët e fundit në Universitetin Sharif, po në kryeqytet.