Transmetuar më 03-09-2022, 21:55

TIRANË – Rita Ora do të vijë në Tiranë më 6 shtator. Ylli shqiptar me famë ndërkombëtare do të këndojë pa pagesë në sheshin “Skënderbej” ku dhe ka nisur puna për ngritjen e skenës.

Koncerti do të jetë falas për të gjithë ata qytetarë që duan të shohin nga afër këngëtaren teksa performon. Krah Rita Orës do të performojnë edhe këngëtarë të tjerë shqiptarë si Ronela Hajati dhe Kida.

Koncerti do të startojë në orën 20:00. Më herët u prit që të performonte Dua Lipa, gjatë ditëve që Sunny Hil Festival u mbajt në Tiranë, por kjo gjë nuk ndodhi.

Megjithatë, kryeministri Edi Rama tha se Dua Lipën e pret në nëntor. Nuk dihet nëse ajo do të këndojë falas si Rita Ora, apo koncerti do të jetë me bileta.