Një burrë në moshë të thyer, i cili nuk ishte vaksinuar, ka humbur jetën sot në spitalin kovid3 në Tiranë ku ishte shtruar në gjendje të rëndë.

Ministria e Shëndetësisë tha se burri 72 vjeç është viktima i parë pas afro një muaji pa vdekje prej kovidit në Shqipëri.

Sakaq, ka një rritje të theksuar të rasteve ditore me kovid. 24 orët e fundit u bënë vetëm 366 testime dhe dolën 90 të infektuar, kryesisht në Tiranë.

Aktualisht janë 1,825 qytetarë aktivë me Covid19 në gjithë vvendin. Muajin e kaluar ishin rreth 300 të infektuar gjithsej.

Rritje shqetësuese ka dhe të shtrimeve në spital. Deri para pak ditësh ishin deri në 3 të shtruar në ditë. Tani janë 18 vetë që po marrin trajtim në gjendje serioze.

Statistika (27 Qershor 2022)

Raste të reja ditore 90

Të shëruar në 24 orë 104

Të shtruar në spitale 18

Humbje jete në 24 orë 1

Testime ditore 366

Testime totale 1,844,561

Raste pozitive 279,167

Raste të shëruara 273,844

Raste Aktive 1,825

Humbje jete 3,498

Shpërndarja gjeografike e rasteve aktive sipas qarqeve:

Tiranë 1,349

Fier 131

Vlorë 86

Durrës 65

Gjirokastër 47

Lezhë 38

Shkodër 34

Elbasan 30

Berat 20

Korçë 16

Dibër 7

Kukës 2