Athinë- Një veprim i paprecedent ka ndodhur para parlamentit grek kur politikani i njohur turk ka valëvitur flamurin e vendit të tij dhe i është drejtuar Mitsotaqis të heqë dorë nga armët.

Gjithçka ndodh kur tensionet mes dy vendeve janë acaruar së tepërmi pas vizitës së kryeministrit grek në SHBA.

Kryetari i TDP (Partia Turke për Ndryshim), Mustafa Sarigul, i ka shkuar “në shtëpi” kryeministrit grek Kyriakos Mitsotakis.

Sarigul ka udhëtuar drejt Athinës dhe me një flamur turk në dorë është shfaqur para Parlamentit të Greqisë, në sheshi Sintagma.

Prej aty ai i ka kërkuar kreut të qeverisë greke që të mos kërkojë ndihmë nga SHBA.

Barışa gel Miçotakis. pic.twitter.com/JAio0ChJnB

— Mustafa Sarıgül (@M_Sarigul) June 25, 2022

“Për momentin jam në Greqi. Mos kërkoni ndihmë nga Amerika. Kërkoni miqësi nga Turqia. Mitsotakis, hiq dorë nga armët. Ejani në paqe, ne jemi këtu”, tha Mustafa Sarigiul në videon që postoi në rrjetet sociale, teksa shpalosi flamurin turk.

Ndërkohë, në një artikull të Yeni Safak, ku komentohet tensioni mes Greqisë dhe Turqisë, cilësohet si “interesante” lëvizja e kreut të TDP-së për të hapur flamurin turk para Parlamentit grek.

Burimi: https://www.protothema.gr/greece/article/1258260/tourkos-politikos-kalei-se-eirini-anoigodas-ti-simaia-tous-brosta-sti-vouli/