Transmetuar më 21-06-2022, 20:10

Korçë- Zbulohen detaje të reja tronditëse për vrasjen e Martin Çeços në Maliq.

Sipas një bariu të zonës, i cili ka gjetur shapkat e 26-vjeçarit, para se në vendngjarje të mbërrinte policia, ka treguar se tre vrasësit e kanë sjellë Martinin afër liqenit dhe më pas i kanë vënë litarin në fyt. Ai tregon për një emision investigativ, se Martini është tërhequr zarrë me makinë nga tre personat dhe më pas është hedhur në liqen.

"Ata e tërhoqën zvarrë me makinë aty. E mbytën. E sollën këtu dhe e tërhoqën zvarrë. E mbytën. Me litar në fyt dhe e tërhiqnin zvarrë me makinë, vinin vërdallë. E kanë bërë copë trupin. E kanë masakruar dhe e kanë sjellë me makinë zvarrë," tregoi ai.

Martin Çeço dyshohet se u ekzekutua nga Valter Mollaj dhe dy persona të tjerë. Ai ishte i lidhur me vajzën, që edhe Martini e pëlqente. Vajza i shkruante Martinit, por nuk i tregonte për lidhjen me Valterin. Gjykata ka dhënë masën e sigurisë arrest me burg për tre të ndaluarit. noa.al