Transmetuar më 21-05-2022, 14:05

Modelja e famshme, Ashley Graham, ka rrëfyer së fundmi se për pak sa nuk ka ndërruar jetë në janar, kur solli në jetë binjakët. Kjo për shkak se ka humbur ndjenjat dhe ka pësuar një hemorragji të rëndë.

Teksa kanë kaluar disa muaj nga kjo ngjarje, 34-vjeçarja vendosi që ta rrëfente në një ese për “Glamour”. Ajo ka shtuar se binjakët i ka sjellë në jetë në shtëpi.

Dy djemtë, Malachi dhe Roman, lindën në tualet dhe në vaskë, përkatësisht, përpara se ajo të humbte ndjenjat. Modelja me forma të kolme u trajtua më pas nga një ekip profesionistësh përkrah bashkëshortit Justin Ervin, ndërsa tani kujton se pa gjak kudo kur u zgjua.

“Pashë gjak kudo”/ Modelja e famshme për pak vdiq

Graham më vonë mësoi se ajo kishte humbur shumë gjak. Djemtë e sapolindur ishin mirë, ndërsa Graham qëndroi në shtrat për katër ditë rresht dhe nuk mund të ecte për një javë. Ajo kaloi gati dy muaj në shtëpi.

Graham është gjithashtu nënë e një djali tjetër 2-vjeçar, Isaac. Pas lindjes së parë, ajo pësoi një abort. Modelja e quajti humbjen shkatërruese, duke shtuar se ishte një nga humbjet më të mëdha që kishte pasur ndonjëherë në jetë. Ajo e mbylli esenë duke iu referuar vetes si një “luftëtare” ndërsa ende “luftonte” me imazhin e trupit të saj pas lindjes.

Graham, ka dokumentuar ‘udhëtimin’ e shtatzënisë gjatë gjithë kësaj kohe në mediat sociale. Në 2020 Ashley përmes një videoje në “YouTube” tregoi thuajse gjithçka për lindjen e vogëlushit të saj të parë Isaac, duke e quajtur lindjen si “dhimbjen dhe njëkohësisht arritjen më të madhe” që ka përjetuar ndonjëherë.