Transmetuar më 20-01-2022, 10:27
Një aksident i rëndë ka ndodhur mëngjesin e kësaj të enjteje në aksin rrugor Berat-Dimal. Një mjet benz tip ML është përplasur me një autoshkollë, dhe për pasojë kanë mbetur të plagosur 3 persona.
Pas përplasjes Benzi është përmbysur, kurse autoshkolla është shkatërruar.
Aksidenti ka ndodhur në hyrje të Dimalit dhe ende nuk dihet si është gjendja e të lënduarve.
Ata janë dërguar për mjekim në spitalin rajonal të Beratit.
Nuk dihen ende identitetet e personave që kanë mbetur të lënduar si pasojë e aksidentit./noa.al