Transmetuar më 17-12-2021, 20:05

 Ish-kandidati i pavarur për komunën e Kërçovës, Fatmir Limani ka nxjerrë një foto të flamurit shqiptar në fshatin Kollare në Maqedoninë e Veriut.

Krahas fotos, ai shpjegon se flamuri kuqezi është përdhosur dhe i është thyer shtiza, duke mos i kursyer as mallkimet kundrejt tyre.

Reagimi i plotë:

FLAMURI! O’FLAMUR GJAK, O’FLAMUR SHKABË. O’VËND E VATËR, O NËNË E BABË! Flamuri nuk është për Qibar, por u takon Familjeve të sakrificës së madhe ngase vetë Ata, i njohin vlerën. Mos e vendos kur s’di ta mbajshë dhe s’ke forcë ta mbrosh. Por kështu ndodh kur vendoset flamuri, për t’u ngritur në pozita! Flamuri nuk është copzë lecke e lyer me ngjyrë të kuqe, por është simbol i larë me gjakun e Dëshmorëve. U vraft buka që kapërdini nga duarët e Atyre që flijuan jetën, për të patur pozita! U verboftë drita e diellit të lirisë që u sollën Ata që treten në varre!