Në takimin me demokratët në qytetin e Kuçovës, ish kryeministri Sali Berisha sulmoi Ilir Beqajn, i cili do të drejtojë Agjencinë Shtetërore të Programin Strategjik dhe Koordinimit të Ndihmës.

Edhe pse ka dalë në shumë afera, ish ministri i Shëndetësisë mori këtë post sepse paguan Ramën, tha Berisha.

Pjesë nga biseda

Demokrati: A dini gjë juve për marrëveshjen e 17 majit? Se ne demokratët nuk morëm vesh gjë. Jam vetëm kontribues në PD, asnjë herë përfitues. Nuk i ndahem PD-së sa të kem frymë. Ju uroj shëndet dhe jetë të gjatë.

Berisha: E vërteta është që ajo marrëveshje shënon asgjesimin e opozitës. Në ate marrëveshje, normalisht kryetari që i kemi besuar ka të drejtë të takohet, të na përfaqësojë. Ne ja kemi dhënë besimin atij, por ajo që ndodhi me kryetarin ishte shumë e dyshimtë për të mos thënë e turpshme. Filloi fushata elektorale. Ne filluam të ngjiteshim në sondazhe. Edi Rama e pa. I kthehet dhe i thotë që ai është ccun i mirë. Unë do të qeveris me të. Ky jo që nuk e kundërshtoi, por të dy i drejtuan të gjitha grykat drejt Ilir Metës.

E sulmonin të dy. I them me këtë që po bën ti, ti lë pa dalë në votime 300 mijë votues të PD-së. Na dëmtove në mënyrë palcore. U ëmbëlsua ky me marrjen peng. Edi Rama është kryeministër. Ka një rrogë të mirë. Ka disa shërbime. Pse mban afër kriminelë? Ministra të damkosur për afera? Vetëm e vetëm se me ta realizon ato që nuk realizon me ligjin. Pse kthehet Beqja? Ai e kishte aferën e Check-up dhe të tjera, të mëdha sa kjo dhomë. Prapë kthehet se Beqaj paguan Ramën. Një nga problemet më kryesore që i jamë kundërvënë George Soros është reforma në drejtësi. Nuk mohoj se drejtësia kishte nevojë për reformë, por drejtësia e sotme është drejtësia më e kontrolluar në historinë e Shqipërisë që nga koha e Enver Hoxhës.