Në një zonë të stadiumit “Corregidora”, në Meksikë, që ndodhet në pjesën e poshtme të strukturës qendrore, “Querétaro Fútbol Club” ka përshtatur një hapësirë me 16 vende për tifozët që duan t’i shikojnë ndeshjet e ekipit të zemrës bashkë me qentë apo macet e tyre.
Kjo risi është inauguruar në ndeshjen e “Apertura”, që vendësit e fituan 1-0 ndaj Rayados de Monterrey. Në një segment të objektit sportiv janë vendosur dritare të tejdukshme, që reduktojnë zhurmën. Kjo bëhet për të siguruar qetësinë e kafshëve shtëpiake si spektatorë në stadium.
Gallos Blancos inauguró su zona pet friendly en el Estadio Corregidora para que su afición disfrute de sus partidos acompañados por sus mascotas. pic.twitter.com/X2dJcXvWr9
— Panorama Informativo Querétaro (@PanoramaQro) October 20, 2021
Çdo kabinë ka një kapacitet prej katër personash dhe dy kafshë me trup të mesëm. Zona e përshtatshme për kafshët shtëpiake ka facilitete të tjera për sigurinë e miqve me katër këmbë, teksa pronarët e tyre shkojnë në bar ose në banjë.
Përshtatja e hapësirës së stadiumit u bë nga kompania “Mars Petcare México”, e cila do të kujdeset për gjithçka me personel të specializuar e të përgatitur për të pritur kafshët e dashura shtëpiake.
¡Espacio para los 🐶!
El @Club_Queretaro está de estrenó con una suite pet friendly en el Estadio Corregidora
🎥 @FEsquivelCANCHA pic.twitter.com/HMFzn28Kdd
— CANCHA (@reformacancha) October 19, 2021
Kreu i çështjeve të korporatave të “Mars Pet Nutrition México”, Román Delgado, shpjegoi se kjo pjesë e stadiumit ka gjithashtu dy zona pushimi dhe banjo për qentë dhe macet. Operatorët e kompanisë i presin kafshët sapo mbërrijnë, në një parking të posaçëm dhe më pas i shoqërojnë në vendin e caktuar.
Kafshët shtëpiake që marrin pjesë në një ndeshje në “Corregidora” duhet të plotësojnë disa kërkesa, duke përfshirë kryerjen e të gjitha vaksinimeve, të shoqërohen nga një i rritur dhe të kalojnë një test sjelljeje.
El Estadio Corregidora es el primer inmueble Pet Friendly en México y el primero del mundo en implementar este modelo. @Club_Queretaro vs. @Rayados. @LigaBBVAMX @adrenalina @Excelsior @ImagenTVDeporte pic.twitter.com/xQAcAOTbod
— Rafael Moreno (@rmorenoimagen) October 19, 2021