Erjona Sulejmani, modelja shqiptare në Itali, ish-gruaja e Blerim Dzemaili, komentoi sërish marrëdhënien e komplikuar midis Mauro Icardi dhe Wanda Nara. Ish-sulmuesi i Interit, aktualisht në radhët e PSG, dyshohet se tradhtoi gruan e tij me Eugenia China Suarez, një aktore argjentinase.

Futbollisti është përpjekur të justifikohet me ‘showgirl’-in argjentinas, edhe pse Nara dukej e gatshme për ta prishur përgjithmonë marrëdhënien me të.

Ndërsa Icardi po kërkon një ‘dritare’ për t’u rifutur në zemrën e gruas dhe agjentes së tij, me të cilën ka edhe dy fëmijë, Erjona Sulejmani kritikoi veprimet e aktores argjentinase, që hyri në jetën e çiftit VIP: "Dërgimi i fotove nudo tek një burrë i martuar dhe me fëmijë sot quhet ‘dashuri falas’. Nëse do ta bënin atë me burrin tuaj, a do të ishte normale?"

Një tjetër mbështetëse për familjen “Icardi”. Bukuroshja shkodrane, e lidhur në kurorë me Blerim Dzemailin në të kaluarën, iu referua historisë duke vënë në pikëpyetje vlerat etike të China Suarez.

Situata duket në ekuilibër mes Wanda Nara dhe Mauro Icardi, por tashmë tradhtia e futbollistit ka bërë bujë të madhe mediatike. Sulejmani e mbrojti edhe më herët Wanda Nara, të cilën e quajti "një grua me atribute, e aftë për ta trajtuar një situatë të komplikuar si kjo".