Përkeqësim i ndjeshëm i situatës meteorologjike është vënë re gjatë mbrëmjes së sotme në zonën e Kukësit, në veri të Shqipërisë, ku në disa zona kanë rinisur reshjet e borës.

Sipas informacioneve të marra të prekura më shumë nga reshjet e borës kanë qënë zonat e thella të Shishtavecit, Turajt dhe Novosejt.

Vendi ynë sot do të mbizotërohet nga alternime kthjellimesh dhe vranësirash duke sjellë mot me reshje shiu të cilat do të jenë të përqëndruara në zonën jug-lindore.

Sipas Meteoalb, sot temperaturat do të pësojnë rënie të lehtë ku do të variojnë: në zonat malore, nga 01°C në 08°C, në zonat e ulëta nga 08°C në 16°C dhe në zonat bregdetare nga 11°C në 19°C.

Era do të fryjë në drejtim Verilindor ndërsa forca e valëzimit në det do të jetë 6 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot me reshje të pakta, ku priten dhe reshje dëbore. Temperaturat do të pësojnë një rënie lehtë ku do të variojnë: në zonat malore nga -1°C në 04°C dhe në zonat e ulëta nga 02°C në 06°C. Dielli rikthehet pas ditës së nesërme.