Transmetuar më 02-09-2021, 09:40

Një 57-vjeçare tregon se bashkëshorti i saj është i varur ndaj pornografisë. Ndonëse kanë 30 vite të martuar, ai flet me gra të tjera, të cilave u dërgon foto e video topless.

Rasti i fundit ishte me një kolege të tij. 57-vjeçarja tregon për “Dear Deidre” të “The Sun” se si zbuloi mesazhet tronditëse në telefonin e tij. Ja rrëfimi i plotë:

“Burri im ka bërë seks me një kolege dhe pavarësisht se e di që nuk kanë fjetur bashkë, unë mendoj se ai më ka tradhtuar. Unë jam 57 vjeç, ai është 59 vjeç dhe kemi plot 30 vite të martuar.

Ai punon për një kompani eventesh. Kolegia e tij bëri sikur telefoni i saj i punës ishte prishur që t’i jepte burrit tim numrin e saj personal. Ata të dy punojnë shumë në ambiente jashtë dhe jam shumë e lumtur për këtë sepse nuk dua ta imagjinoj se ç’mund të kishte ndodhur nëse do të punonin në një zyrë.

Po kërkoja numrin e një shoku të familjes në telefonin e burrit tim kur pashë numrin e saj. U bëra kurioze, prandaj hapa mesazhet që kishin shkëmbyer bashkë.

E pashë që ajo kishte nisur gjithçka, duke e bombarduar me tekste flirtuese. Por në vend që t’i thoshte se nuk ishte i interesuar, ai ia kishte kthyer mesazhet. Brenda pak ditësh ajo nisi t’i dërgonte foto topless dhe më pas foto lakuriq.

Edhe burri imi kishte dërguar foto dhe video pornografike. Kjo situatë zgjati për më shumë se dy javë. Burri hyri në dhomë kur kisha në dorë telefonin e tij dhe e kuptoi që kisha marrë vesh çdo gjë.

Ai po bën gjithçka për t’i rregulluar gjërat. Më thotë se nuk e di pse e bëri këtë gjë. Ai ka qenë gjithmonë i varur ndaj pornografisë dhe gjithmonë kam luftuar me këtë problem të tij.

Ai thotë se nuk është i interesuar për kolegen e tij, gjë të cilën e besoj. Por nuk di asgjë tjetër se çfarë mund të ketë ndodhur mes tyre dhe nuk mund të bëj sikur s’ka ndodhur asgjë. Tashmë nuk kam më besim tek ai.”

“Dear Deidre” thotë:

“Tradhtia e bën shumë të vështirë për partnerin që të ketë ende besim në marrëdhënie. Rindërtimi i besimit pas një tradhtie të tillë është i vështirë. Ju nuk mund ta hidhni pas krahëve këtë që ka ndodhur dhe të bëni sikur çdo gjë është mirë mes jush.

A ju ka kërkuar ai me të vërtetë falje? A ju ka thënë vërtetë se sa shumë ju do dhe se sa shumë është penduar?

Thuajini bashkëshortit se keni nevojë të kaloni më shumë kohë bashkë. Kërkojini të jetë i sinqertë dhe po ashtu t’ju dëgjojë sa herë që keni nevojë.

Këshillimi i çifteve mund t’ju ndihmojë. Nëse mësoni pse ndodhi tradhtia e tij, ju mund ta shpëtoni martesën dhe madje ta forconi atë.”